ევროპის აკადემიამ გააფართოვა თანამშრომლობის ქსელი და რეგიონული საგანმანათლებლო-კვლევითი ცენტრი დააფუძნა თბილისში.

რეგიონული ცენტრის დაარსება მნიშვნელოვანი პოლიტიკური და აკადემიური საკითხია, რადგან ცენტრი დაეხმარება საქართველოს სამეცნიერო საზოგადოებას ევროპის მეცნიერების, ინოვაციებისა და ტექნოლოგიების სივრცესთან დაახლოებაში და ხელს შეუწყობს პანევროპული ინტერესების გატარებას სამხრეთ კავკასიაში.

თბილისის ცენტრი ევროპის აკადემიის რეგიონული ცენტრების ქსელის ნაწილია და მის მიზანს წარმოადგენს მეცნიერების მენეჯმენტში ევროპული მიღწევების გამოყენების ხელშეწყობა ეროვნული და რეგიონული პოლიტიკის წარმოების, საერთაშორისო სააგენტოებთან კოორდინირებული მუშაობის, ინტერდისციპლინური და საერთაშორისო უმაღლესი ხარისხის სამეცნიერო კვლევების, ცოდნისა და განათლების წახალისებისთვის.