2024 წლის 23-25 მაისს ჩატარდება ივანე ჯავახიშვილის სახელობის თბილისის სახელმწიფო უნივერსიტეტში მე-2 საერთაშორისო სამეცნიერო კონფერენცია “ტრანსლაციური და კლინიკური მედიცინა – დიგიტალიზაცია და ხელოვნური ინტელექტი სამედიცინო განათლებასა და მეცნიერებაში”. კონფერენციაში მონაწილეობას იღებენ უნივერსიტეტის მედიცინის ფაკულტეტის საერთაშორისო მრჩეველთა საბჭოს წევრები მსოფლიოს 12 ქვეყნიდან. კონფერენციის სამუშაო ენა არის ინგლისური.
კონფერენცია მიზნად ისახავს საქართველოს სამედიცინო საზოგადოებისათვის, მათ შორის თსუ-ის მედიცინის ფაკულტეტის აკადემიური პერსონალისათვის და სტუდენტებისათვის საერთაშორისო ცოდნის და გამოცდილების გაზიარებას სამედიცინო მეცნიერებასა და პრაქტიკულ ჯანდაცვაში ხელოვნური ინტელექტის და ციფრული ტექნოლოგიების დანერგვით მიღწეული შედეგების თაობაზე. კონფერენციის უზრუნველყოფს ისეთი პლატფორმის შექმნას მონაწილეებისთვის, სადაც მოხდება არამხოლოდ ხელოვნური ინტელექტის და ციფრული მედიცინის მიღწევათა გაცნობა, არამედ შედგება დისკუსიები სამედიცინო განათლების, მეცნიერებისა და სერვისების მიწოდების სფეროებში ციფრული პროცესებისა და ინსტრუმენტების დანერგვასთან დაკავშირებით, მათ შორის ხელოვნური ინტელექტის გამოყენების შესაძლებობებთან დაკავშირებით.
კონფერენციის მონაწილეთა მოხსენებების თეზისები გამოქვეყნდება თსუ ინგლისურენოვან საერთაშორისო ჟურნალში „Translational and Clinical Medicine – Georgian Medical Journal” (ISSN 2346-8491), რომელიც ინდექსირებულია „Google Scholar“-სა და „EBSCO“ -ს ბაზებში.
კონფერენცია ჩატარდება თსუ-ის მედიცინის ფაკულტეტის ორგანიზებით და შოთა რუსთაველის საქართველოს ეროვნული სამეცნიერო ფონდის დაფინანსებით. კონფერენციას საინფორმაციო მხარდაჭერას განახორციელებს სამედიცინო ტელეკომპანია „პულსი TV“.
